Víkingur Kristjánsson

Víkingur Kristjánsson útskrifaðist sem leikari árið 2001 og hefur síðan þá unnið á öllum sviðum leiklistar. Hann hefur tekið þátt í leiksýningum hér heima, sem og víða um heim, með leikhópnum Vesturporti og leikið í bæði sjónvarpsþáttum og bíómyndum. Víkingur hefur einnig látið að sér kveða sem rithöfundur, hann skrifaði m.a. leikritið Kringlunni rústað, sem Vesturport sýndi árið 2004, söngleikinn Ást ásamt Gísla Erni Garðarssyni árið 2008 og einleikinn Tribbjút, sem frumsýndur var 2013. Víkingur skrifaði handrit að þáttunum Vegferð eftir hugmynd sinni og Ólafs Darra Ólafssonar, en þeir félagar fara sjálfir með aðalhlutverk þar.