Björgvin Franz Gíslason

Björgvin Franz Gíslason útskrifaðist frá LHÍ vorið 2001. Síðan þá hefur hann leikið burðarhlutverk hjá Þjóðleikhúsinu, Borgarleikhúsinu og hjá Leikfélagi Akureyrar, samanber Billy Flinn í Chicago en fyrir það hlutverk vann hann Grímuna sem “Söngvari ársins.” Hann endurtekur nú hlutverk Ragga Bjarna og Villa Vill í söngleiknum Elly en fyrir þau hlutverk var hann tilnefndur “Leikari ársins.” Einnig hefur hann leikið í söngleiknum Matthildur, Hedwig & Reiða Restin, Benedikt Búálfur og Buddy Holly.

Björgvin starfaði lengi sem umsjónarmaður Stundarinnar Okkar en þátturinn vann Edduna fyrir “Besta barnaefnið.” Björgvin rekur kvikmyndagerðina Veitan sem stóð meðal annars fyrir þáttunum Í Hjarta Bæjarins. Einnig starfar hann við að talsetja teiknimyndir hjá Stúdíó Sýrlandi og hefur farið þar með stór hlutverk á borð við Zazu í Lion King og Forky í Toy Story 4 svo dæmi séu tekin.