Salka Gullbrá

Salka Gullbrá er grínisti, leikstjóri og handritshöfundur.

Salka útskrifaðist af Sviðshöfundabraut Listaháskóla Íslands árið 2019, og hefur fengist við ýmis verkefni á sviðum landsins síðan. Hún stofnaði uppistandshópinn Fyndnustu Mínar ásamt Lóu Björk Björnsdóttur og Rebeccu Scott Lord árið 2018, sem hélt fjölda uppistandssýninga í Þjóðleikhúskjallaranum, Tjarnarbíó og Hard Rock um árabil. Hún hefur því víðtæka reynslu af skemmtanahaldi.

Salka er listrænn stjórnandi Krakkaveldis, sviðslistaverkefnis sem er mótað í samvinnu við börn. Krakkaveldi snýr valdahlutverkum fullorðinna og barna á hvolf og býr til heim þar sem krakkar ráða öllu. Hún hefur einnig leikstýrt verkum pólsk-íslenska leikfélagsins PóliS frá stofnun, en verk þeirra Co za poroniony pomysł hlaut Grímuverðlaunin 2020 í flokknum “Sproti ársins.”

Salka hefur einnig haslað sér völl í pistlaskrifum fyrir útvarp og dagblöð.

Uppistand

Salka hefur mikla reynslu af uppistandi og mætir með 15-20 mínútna uppistönd sem hún aðlagar eftir þörfum hverju sinni.

Veislustjórn

Salka er þaulreyndur uppistandari og tekur að sér veislustjórn.